Өндөрширээт сумын 4-н багийн иргэдийн нийтийн хурал 2026.06.22-06.30-ны өдрүүдэд багийн байр болон Соёлын төвд хуралдав. 🙋Тухайн нутаг дэвсгэрийн иргэдийн болон хорооны хэсэг тус бүрийн төлөөллийг хангах зарчмаар багийн иргэдийн Нийтийн Хурлын хуралдаанд 🙋гурван өрх тутмаас нэгээс доошгүй хүн хүрэлцэн ирсэн тохиолдолд хуралдааныг хүчинтэйд тооцдог хуулийн заалттай. ✅Баянтуул 1-р баг 204 өрхөөс 71 иргэн ✅Хайрхан 2-р баг 161 өрхөөс 73 иргэн ✅Уянга 3-р баг 150 өрхөөс 53 иргэн ✅Сант 4-р баг 115 өрхөөс 45 иргэн тус тус хүрэлцэн ирсэн. Хуралдаанаар дараах асуудлыг хэлэлцэв:
2027 оны Орон нутгийн хөгжлийн сангийн хөрөнгөөр хийгдэх ажлыг эрэмбэлэх
Сумын Засаг дарга, Багийн Засаг даргын хооронд байгуулсан батламж гэрээний хэрэгжилт 
Худаг гаргах тухай (Уянга 3-р баг, Баянтуул 1-р багаас өрхийн хэрэглээнд)


Сумын ИТХ-ын ээлжит аравдугаар хуралдаан 2026.06.26-ны өдөр 73.3 хувийн ирцтэй хуралдаж дараахь асуудлыг хэлэлцэв. 1.Сумын 2025 оны төсвийн гүйцэтгэл батламжлах тухай 2.Сумын 2026 оны худалдан авах ажиллагааны төлөвлөгөөний хэрэгжилт 3.Сумын иргэдийн төлөөлөгчдийн хурлаас батлан гаргасан тогтоол, шийдвэрийн хэрэгжилт 4.Орон нутгийн хөгжлийн сангийн хөрөнгөөр 2026 онд хийсэн ажлын тайланд дүгнэлт өгөх тухай 5. Хоршоо хөгжүүлэх сангийн хяналтын зөвлөлийн 2026 оны төлөвлөгөөний хэрэгжилт 6.Орон нутгийн өмчийн хөрөнгийн эзэмших , ашиглах , захиран зарцуулах талаар хийсэн ажлын хэрэгжилт 7. Мал эмнэлгийн тасгаас цаг үеийн асуудлаар мэдээлэл 8. Шинэ цэцэрлэгт хүрээлэнгийн байршил тогтоох тухай асуудлыг хэлэлцэж нийт 4 тогтоол батлан гаргаж төлөөлөгчдөөс гарсан саналын дагуу тэмдэглэлээр үүрэг чиглэл өгч ажиллав.

Аймаг, сумын Иргэдийн Төлөөлөгчдийн нэрэмжит “ХҮҮХДИЙН МАРАФОН-ийг 2026.06.01-ний өдөр хүүхэд-хайр-ирээдүй уриан дор 2 дах жилдээ амжилттай зохион байгуулав. Дараах насны ангиллаар 1-5р байрыг тус тус эзлүүлэв. 🏃🏻‍♂️🏃🏻‍♀️6-9 нас 1.Г.Гантөгс, 2.Г.Энхэрдэнэ, 3.Б.Болдбаяр, 4.Б.Нарансолонго, 5.Т.Мөнхтүшиг 🏃🏻‍♂️🏃🏻‍♀️10-12 нас 1.Билгүүн, 2.Л.Ням-Эрдэнэ, 3.Т.Мөнх-Очир, 4.У.Ирмүүн, 5.Н.Адьяахүү 🏃🏻‍♂️🏃🏻‍♀️13-18 нас 1.Г.Есөнпүрэв, 2.Б.Дагвадэмбэрэл, 3.Л.Ууган-Эрдэнэ, 4.Ж.Наранмөнх, 5.Э.Баторгил

Олон Улсын Гэр Бүлийн өдрийг тохиолдуулан сумын Иргэдийн төлөөлөгчдийн хурлын дэргэдэх Гэмт хэргээс урьдчилан сэргийлэх ажлыг зохицуулах зөвлөл, хүүхэд гэр бүлийн хүчирхийллээс урьдчилан сэргийлэх дэд зөвлөл хамтран “Гэр бүлийн ” спортын тэмцээнийг 2026 оны тавдугаар сарын 23-ны өдөр 2 дахь жилдээ зохион байгууллаа.

Сумын Иргэдийн Төлөөлөгчдийн Хурлаас иргэдийн санал хүсэлт, тулгамдсан асуудлыг сонсож, төрийн үйлчилгээг сайжруулах зорилгоор “ИРГЭДЭЭ СОНСОХ” аяныг зохион байгуулж байна. ✅Эрүүл мэндийн төвөөс урьдчилан сэргийлэх үзлэг ✅ Иргэдийн санал хүсэлтийг хүлээн авах ✅ Төрийн үйлчилгээний талаарх сэтгэл ханамжийн судалгаа авах ✅ Баг, өрхийн тулгамдсан асуудлыг сонсох ✅ Иргэдтэй газар дээр нь уулзаж ажиллах

✍🏼Дотоод ертөнцийн тусгал” хувь хүний хөгжлийн академи ТББ-тай хамтран Орон нутгийн Иргэдийн Төлөөлөгчдийн Хурлын төлөөлөгчдийн онцлог, ажлын ачаалал, иргэд, аж ахуй нэгж байгууллага болон олон нийттэй харилцах харилцаанд эерэг өөрчлөлтийг бий болгох зорилготой сургалтыг зохион байгууллаа. ✍🏼Тус сургалт нь “Ур чадвар” буюу сэтгэл зүй, харилцааны ур чадварыг хөгжүүлэх, хууль тогтоомжийн мэдлэг олгоход чиглэгдсэн бөгөөд сургалтад ИТХ-ын 12 төлөөлөгч, Ажлын албаны 1 мэргэжилтэн хамрагдав.

Өндөрширээт сумын Гэмт хэргээс урьдчилан сэргийлэх ажлыг зохицуулах салбар зөвлөлийн хурал 2026.04.06 -нд 51.4 хувийн ирцтэй хуралдлаа. Хуралдаанаар дараах асуудлыг хэлэлцэж баталлаа. 1. Суманд 2026 оны 1 улиралд гарсан гэмт хэрэг, зөрчлийн мэдээлэл-хэсгийн төлөөлөгч Ш.Эрдэнэбаяр 2. Сумын Гэмт хэргээс урьдчилан сэргийлэх ажлыг зохицуулах салбар зөвлөлийн 2026 оны ажлын төлөвлөгөөний төслийн танилцуулга - зөвлөлийн нарийн бичиг Б.Отгонцэцэг тус тус танилцуулж нийт 9 чиглэлийн хүрээнд 25 хэрэгжүүлэх үйл ажиллагаатай төлөвлөгөөг батлав.

Сумын ИТХ-ын ээлжит есдүгээр хуралдаан 2026.03.30 -ны өдөр 73.3 хувийн ирцтэй хуралдаж дараахь асуудлыг хэлэлцэв. 1.Сумын төвийн 0 гортикийг тэлэх тухай . 2.Ан агнуурын бүс нутгуудын менежментийн 2024-2028 оны төлөвлөгөөний хэрэгжилт 3.Хоршоо хөгжүүлэх сангаас 2026 онд зээл олгох тэргүүлэх чиглэл батлах тухай 5.Хоршоо хөгжүүлэх сангийн хяналтын зөвлөлд өөрчлөлт оруулах тухай 6.Соёлын төвийн дэргэдэх дугуйлан секцийн төлөвлөгөөний хэрэгжилт үр дүнгийн талаар мэдээлэл,2026 оны төлөвлөгөөний танилцуулга 7.Сумын 2023-2027 оны боловсон хүчний бодлогын хэрэгжилт 8 Аялал жуулчлалыг хөгжүүлэх 2026 оны үйл ажиллагааны төлөвлөгөө 9. Сумын 2026 оны төсөв баталсан тогтоолд өөрчлөлт оруулах тухай 10.Хоршоо хөгжүүлэх сангийн хяналтын зөвлөлийн хяналь тавьж ажилласан мэдээлэл 11.Хөрөнгө шийдвэрлэх тухай 12.Чанартай боловсрол-хөгжлийн Төв” дунд хугацааны 2025-2028 оны стратеги төлөвлөгөө батлах тухай асуудлыг тус тус хэлэлцэв.

Өндөрширээт сумын 4-н багийн иргэдийн нийтийн хурал 2026.03.06-ны өдөр ЕБС-ийн танхимд хуралдав. ✅Баянтуул 1-р баг 204 өрхөөс 79 иргэн хүрэлцэн ирсэн. ✅Хайрхан 2-р баг 170 өрхтэй үүнээс 72 иргэн хүрэлцэн ирсэн. ✅Уянга 3-р баг 150 өрхөөс 51 иргэн , ✅Сант 4-р баг 115 өрхөөс 38 иргэн хүрэлцэн ирж, нийт 240 иргэн хуралд оролцов. Хуралдаанаар дараах асуудлыг хэлэлцэв: 1. Багийн Засаг даргын 2025 оны сүүлийн хагас жилийн ажлын тайлан мэдээлэл 2. Худаг гаргах газрын байршил тогтоох тухай –(Баянтуул 1-р баг Хошуу дэнж, Хайрхан 2-р баг –Асгатын ар иргэдийн олонхийн саналаар шийдвэрлэв)

Сумын ИТХ-ын ээлжит 8 дугаар хуралдаан 2025 оны 12-р сарын 19-ний 10:30 минутад 93.3 %-ийн ирцтэй эхэллээ. Хуралдаанаар хэлэлцэх асуудлууд Үүнд : 1.Орон нутгийн хөгжлийн сангийн хөрөнгөөр 2025 онд хийсэн ажлын тайлан 2.Сумын 2026 оны төсөв батлах тухай 3.Хоршоо хөгжүүлэх сангийн 2025 оны төлөвлөгөөний хэрэгжилт,2026 оны төсөв батлах тухай 4.Сумын 2026 оны хөгжлийн төлөвлөгөө 5.Сумын иргэдийн Төлөөлөгчдийн Хурлын тогтоол, тэмдэглэлээр өгсөн үүрэг чиглэлийн хэрэгжилтийн тухай 6.Засаг даргын тамгын газрын 2025 оны үйл ажиллагааны тайлан 7.Сумын иргэдийн төлөөлөгчдийн хурлын 2025 оны үйл ажиллагааны төлөвлөгөөний хэрэгжилт зэрэг нийт 7 асуудлыг хэлэлцэв.

Хүмүүнлэгийн аянд сумын уугуул болон сумын харьяатай нийт 113 иргэд, гэр бүлүүд нэгдэж 20 хоногийн хугацаанд нийт 4,432,275 төгрөг дансанд төвлөрсөн. Уг хандив дээр нэмж өмнөх 2024 онд зарласан хандивын үлдэгдэл болох 200.000 төгрөгийг нэмээд нийт 4,632,275 төгрөгөөр тусгай хэрэгцээт хүүхдүүдийн өрөөг тохижуулж, Зорилтод бүлгийн 14 хүүхдэд дулаан хувцас , хичээлийн хэрэгсэлийг ангийн багш болон хүүхдүүдэд хүлээлгэн өгсөн. Үүнд : 1. Тусгай хэрэгцээт хүүхдүүдийн өрөөг тохижуулах зардалд 3.606.000 төгрөг 2. Зорилтод бүлгийн хүүхдүүдэд 1.035.000 төгрөгний хувцас, хичээлийн хэрэгсэл, иргэдээс хандивласан хувцас, хэрэгслийг хүлээлгэн өгөв.

Сумын иргэдийн Төлөөлөгчдийн Хурлын ээлжит долоодугаар хуралдааныг 2025 оны 12 сарын 03-ны өдөр 80 хувийн ирцтэй хуралдаж дараахь асуудлыг хэлэлцэв. 1.Эмийн эргэлтийн сангийн хяналтын зөвлөлийн 2025 оны төлөвлөгөөний хэрэгжилт 2.Хүүхдийн төлөө зөвлөлийн 2025 оны ажлын тайлан 3.Сумын 2025 оны худалдан авах ажиллагааны төлөвлөгөөний хэрэгжилт 4.Сумын Засаг даргын 2024-2028 оны үйл ажиллагааны хөтөлбөрийн хэрэгжилтийн тухай 5.Сумын 2025 оны хөгжлийн төлөвлөгөөний хэрэгжилт 6.Сумын газар зохион байгуулалтын 2025 оны төлөвлөгөөний хэрэгжилт. 7. 2026 оны газар зохион байгуулалтын төлөвлөгөөг батлаж нийт 5 тогтоол ,2 асуудалд тэмдэглэлээр үүрэг чиглэл өгөв.

Бүсийн иргэдийн Төлөөлөгчдийн Хурлын ажлын алба, ИТХ-ын төлөөлөгчдийн дунд сургалт, нөхөрсөг тэмцээн 2025.11-27-28-ны өдрүүдэд Төв аймгийн Баянцогт сумын ИТХ, Орхон Их сургуультай хамтран Оюу амралтын газар зохион байгуулав. Уг сургалт тэмцээнд Төв аймгийн Өндөрширээт сум, Бүрэн сум, Баянцогт сум, Лүн сум ,Сүмбэр сумын иргэдийн төлөөлөгчдийн хурлууд оролцлоо.

Иргэдийн төлөөлөгчийн хурлын дарга Б.Гунгаазаан, ИТХ-ын төлөөлөгч С.Уранчимэг, С.Батмөнх нар Орон нутгийн хөгжлийн сангийн хөрөнгөөр 2025 онд хийгдэж буй хөрөнгө оруулалт, хөтөлбөр төсөл ажлын явцтай танилцаж, хянал тавьж ажиллаж дутуу болон хийж гүйцэтгээгүй чанарын шаардлага хангахгүй байгаа тоног төхөөрөмжийг тодорхой хугацааны дотор гүйцэтгэхийг ажлын хэсгээс үүрэг чиглэл өгч ажиллаа.

Гэмт хэрэг, зөрчлөөс урьдчилан сэргийлэх тухай болон Хүүхэд хамгааллын тухай хуулийг орон нутгийн иргэд, хүүхэд залуучуудад сурталчлах, хүүхдийн эсрэг болон хүүхдээс үйлдэж буй гэмт хэрэг, зөрчлөөс урьдчилан сэргийлэх, үе тэнгийнхний дээрэлхэлтээс урьдчилан сэргийлэх ажилд иргэд, байгууллагын оролцоо, идэвхийг нэмэгдүүлэх зорилготойгоор Сумын Гэмт хэргээс урьдчилан сэргийлэх ажлыг зохицуулах зөвлөл, ЕБС-тай хамтран “Дээрэлхэлт дэлгэрэх ёсгүй хуулиа дээдэлье” тэмцээнийг 2025.09.23-ны өдөр зохион байгуулав. Уг тэмцээнд Н.Амарсайхан багштай 8 –р анги,Б.Уранцацрал багштай 9-р анги, Б.Эрдэнэхатан багштай 11-р анги, Б. Ганцэцэг багштай 12-р анги тус тус оролцож. 🥇1-р байрыг 9-а ангийн сурагч М.Дөлгөөн ахлагчтай Сахиусан тэнгэр баг өргөмжлөл, медаль 80000 төгрөг, 🏅2-р байрыг 12 а ангийн сурагч Ч.Амгаланбаатар ахлагчтай Хайр өвтгөдөггүй баг эзлэж өргөмжлөл, медаль 65000 төгрөгөөр шагнаж урамшуулав.

Сумын иргэдийн Төлөөлөгчдийн Хурлын Ажлын албанаас Хэлмэгдэгсдийн дурсгалд зориулан 12 ширхэг 🌴буйлс модыг сумын цэцэрлэгт хүрээлэнд тарьж, арчлах ажлыг хийв. Тарьж ургуулах зөвөлгөө , үрсэлгээг өгч хамтран ажилласан Sandor berry компанийн захирал Ганбат Сансарчимэг болон гэр бүлд нь баярлалаа. Сумын ИТХ 2025.09.12

Улс төрийн хилс хэрэгт олон мянган иргэдийг хилсээр хэлмэгдүүлсний төлөө Монголын төр ард түмнээсээ уучлал хүсэж, амь насаа алдсан хэлмэгдэгсдийн дурсгалыг хүндэтгэн мөнхжүүлэх, санан дурсах зорилгоор Монгол Улсын Их Хурлаас 1996 оны 08 дугаар сарын 29-ний өдрийн 33 дугаар тогтоолыг баталж, “Улс төрийн хилс хэрэгт хэлмэгдэгсдийн дурсгалыг хүндэтгэх өдөр”-ийг жил бүрийн есдүгээр сарын 10-нд тэмдэглэн өнгөрүүлж байхаар тогтсон билээ. Өндөрширээт сумын хэмжээнд нийт 12 хүн хэлмэгдсэн талаарх судалгаа байдаг. Уг өдрийн хүрээнд Улс төрийн хилс хэрэгт хэлмэгдсэн дурсгалыг хүндэтгэн Пунцогдэчиндаржайлан хийдийн хамба лам Р.Пүрэвдоржоор сумын иргэдийн Төлөөлөгчдийн Хурлаас буян ном хуруулав. 2025.09.10

УЛС ТӨРИЙН ХИЛС ХЭРЭГТ ХЭЛМЭГДЭГСДИЙН ДУРСГАЛЫН ХҮНДЭТГЭХ ӨДРИЙН ХҮРЭЭНД ШҮЛГИЙН УРАЛДААНЫГ ЗОХИОН БАЙГУУЛАВ. Улс төрийн хилс хэрэгт хэлмэгдэгсдийг санан дурсах, тэдний гэгээн дурсгалыг хүндэтгэх 30 дахь өдрийг тохиолдуулан улс төрийн хилс хэрэгт хэлмэгдэгсдийн дурсгалыг хүндэтгэж үндэсний үнэт зүйлийг эрхэмлэн, хүний эрх, эрх чөлөөний талаарх ойлголтыг баяжуулах зорилгоор ЕБС-ийн Түүх ,нийгмийн ухааны багш Амарсайхан Нуурбат, шүүгчээр Монгол хэл,уран зохиолын багш Д.Ичинноров,Б.Уранцацрал нар шүүж 1-3 р байрыг эзлүүлэв.🔸1-р байр 12-р ангийн сурагч У.Бумбаяр 🔸​2-р байр 12-р ангийн сурагч Г.Тэлмэн ​🔸3-р байр 11-р ангийн сурагч Б.Сугардорж нар шалгарав. 2025.09.10

Гэр бүлийн хүчирхийллийг илрүүлэх, таслан зогсоох, хохирогч, түүний гэр бүлийн бусад гишүүний амь нас, эрүүл мэнд, аюулгүй байдлыг хамгаалах, үйлчилгээ үзүүлэх, урьдчилан сэргийлэхэд дэмжлэг үзүүлж түр хамгаалах өрөөг засварлахад Аймгийн ИТХ-ын төлөөлөгч Ц.Оюун 1.000.000 төгрөгний дэмжлэг үзүүлж Хүүхэд,гэр бүлийн нийгмийн ажилтан Л.Цэрэнпунцагт 2025.09.04-ны өдөр хүлээлгэн өглөө. . Уг засварыг хийж гүйцэтгэсэн ЕБС-ийн багш Г.Хүрэлбаатар, Нийгмийн ажилтан Б.Баасанбат, Хүүхэд гэр бүлийн нийгмийн ажилтан Л.Цэрэнпунцаг, Мөн шаардлагатай эд хогшлын туслалцаа үзүүлсэн ЕБС-ийн захиргаанд баярлалаа . Гэмт хэргээс урьдчилан сэргийлэх ажлыг зохицуулах зөвлөл